THALASSOCRATIA

THALASSOCRATIA

Latin. Maris Imperium. Huius primum auctorem Minoem facit Thucydides, qui eum Imperio Maris Carici, postea Graeci dicti, longe lateque potitum esse, Insulas Cycladas sub ditione tenuisse, et in plerasque primum coloniam deduxisse, piratas e mari sustulisse, ac constitutâ eius classe, maria ulturo citroque liberius navigari coepisse, ait, l. 1. Tantum interest humano generi, ut penes unum harum rerum summa consistat. Qualis autem fuerit Minois classis, hinc conicere liceat, quod Daedalus, ab eo fugiens, omnium primus velificatus sit: et Aminocles Corinthius post annos ferme 600. i. e. 300. circiter annos ante finem belli Peloponnesiaci, primus triremes quatuor Samiis fabricaverit: postque annos inde 40. pngna navalis vetustissima inter Corcyraeos et Corinthios commissa sit, Idem, ibid. Post Minoem multos populos θαλαςςοκρατοῦντας, ex Casotore Rhodio, recenset Euseb. in Chron. Lydos, Pelasgos, Thracas, Rhodios, Phrygas, Cyrios, Phoenices, Aegyptios, Milesios, Cuares, Lesbios, bios, Rhocaeenses. Thucydides praefatus Ionum meminit, Polycr atis et Phocaeensium: e quibus Polycrates Samius erat et Minoe recentior annis 750. primus Graecorum, qui post Minoem θαλαςςοκρατέειν ἐπενοήθη, animum induxit, ut mari potiretur, Herodoto, l. 3. c. 122. Post quae, Romani hôc iure freti pacem, Carthaginiensibus eâ lege concesserunt, Τὰ μακρὰ πλοῖα παραδοῦναι πάντα πλην` δέκα τριηουτ῀ν. Πόλεμον μηδένι τῶ ἔξω τῆς Λιβύης ἐπεφέρειν καθόλου, μηδὲ τῶ ἐν τῇ Λιβύῃ χωρὶς τῆς Ρ῾ωμαίων γνώμης, Polyb. l. 15. Livius vertit, Ut naves rostratas, praeter Xtriremes traderent, bellumve neque in Africa, neque extra Africam, iniussu Pop. Rom. facerent, l. 30. c. 37. etc. Vide Ioh. Marshamum, Can. Chron. Sec. XI. ubi Edgarum Anglo-Saxonum Regem Minoem Britannicum indigitat, et supra voce Mare.